•  

    एक पटक स्पष्टिकरण सोधिएर मौका पाएकी नेपाल टेलिकमकी प्रवन्ध निर्देशक कामिनीराज भण्डारीलाई पुन स्पष्टिकरण सोधिएको छ । बिगतमा मन्त्रिपरिषदको बैठकले एकपटक मौका दिने गरी कामिनीसँग राखिएका कार्यसम्पादन शर्तहरुमा प्रगति नभएको भन्दै स्पष्टीकरण सोध्ने निर्णय गरेको हो । उनलाई शुक्रबार नै स्पष्टीकरण पत्र थमाइएको स्रोतले जानकारी दियो । चित्त बुझ्दो स्पष्टीकरण नआए अब कामिनीलाई मन्त्रिपरिषदको निर्णयबाट बर्खास्त गरिनेसम्मको तयारी रहेको छ । कम्पनीको स्तर ओरालो लाग्दै गएको आरोप उनीमा छ ।

    गत वैशाखमा पनि कामिनीलाई स्पष्टीकरण सोधिएको थियो । त्यतिबेला मन्त्रिपरिषद बैठकले राजभण्डारीलाई कार्यसम्पादन शर्तहरु राखेर सचेत मात्र गर्न निर्णय गरेको थियो । उनीसँग शर्तनामा बमोजिम टेलिकमको सेवा नसुध्रिएको र कम्पनी थप ओरालो लागिरहेको निश्कर्ष सरकारले निकालेको छ ।

    ‘टुजी र थ्रीजी सेवा विस्तारमा ढिलाई गरिरहेको चिनियाँ कम्पनीलाई थप साढे २ अर्ब रुपैयाँ रकम दिएको र त्यसमा रिटायर्ड हुन लागेका कर्मचारीलाई हस्ताक्षर गर्न लगाएको पाइएको पनि स्रोतले जानकारी दियो ।