काठमाडौं ।

आफुभन्दा जुनियरले तोकेको पेशीमा मुद्धा हेर्नुपर्ने भएपछि सर्वोच्च अदालतका कामु प्रधानन्याधीश दीपकराज जोशी आइतबारदेखि विदामा बस्ने भएका छन्।

संवैधानिक परिषद्ले नयाँ प्रधानन्यायधीश नियुक्तिका लागि सिफारिस नगरेसम्मका लागि भनेर उनी बिदामा बस्न लागेका हुन्।

संवैधानिक परिषद्ले जोशीलाई प्रधानन्याधीशमा सिफारिस गरेका जोशीलाई शुक्रबार संवैधानिक परिषद्को बैठकले अस्वीकृत गरेको थियो। उनको शैक्षिक प्रमाणपत्रको विवाद रहेको, विवादास्पद फैसला गरेको तथा सुनुवाईका क्रममा चित्तबुझ्दो जवाफ दिन नसकेको भन्दै उनलाई अस्वीकृत गर्ने निर्णय भएको हो। सरकारले राजिनामा दिन समेत उनलाई अप्रत्यक्ष रुपमा दबाब दिएको छ।

उनी विदामा बसेपछि सर्वोच्चका बरिष्ठतम् न्यायधीश ओमप्रकाश मिश्रले पेशी तोक्नेछन्। मिश्र नै भावी प्रधानन्याधीश हुने सम्भावना छ।