स्थानीय तह र प्रदेशमा कर्मचारी अभाव भइरहेका बेला सरकारले केन्द्रमा कर्मचारी थोपर्न संघमा ५४ वटा विभाग राख्ने प्रस्ताव गरेको छ । संघीय मामिला तथा सामान्य प्रशासन मन्त्रालयले तयार गरेको प्रस्तावमा संघीय प्रशासनमा ५४ वटा विभाग बनाउन सिफारिस गरिएको छ ।

संगठन तथा व्यवस्थापन (ओएनएम) सर्वेक्षण रिपोर्टले ३४ विभाग स्वीकृत गरेको नागरिकमा खबर छ । बाँकी २९ विभागबारे छलफल भइरहेको छ ।

ओएनएम सर्भेमा देशभर करिब १ लाख १७ हजार कर्मचारी आवश्यक पर्ने देखिएको छ । तीमध्ये स्थानीय तहमा करिब ५८ हजार र प्रदेशमा करिब २१ हजार कर्मचारी आवश्यक पर्ने अनुमान छ ।