रुकुम ।

रुकुमपूर्वको पुथाउत्तरगंगा गाउँपालिकाका वडा सचिवविहीन छ। गाउँपालिका सबै वडामा सचिव नहुँदा कामकारबाही लामो समयदेखि प्रभावित भएको छ। छ वटा गाउँ विकास समिति मिलेर बनेको उक्त गाउँपालिकामा १४ वटा वडा छन्। साविकका गाविस सचिव अन्य गाउँपालिकामा सरुवा भएपछि उक्त गाउँपालिकामा एकजना पनि सचिव नभएको गाउँपालिकाका प्रमुख प्रशासकीय अधिकृत तिलक रावतले जानकारी दिए। वडा नम्बर ११ मा वडा सचिव रहेपनि उनी बिदामा बसेका कारण गाउँपालिकाको सबै वडा सचिवविहीन भएको हो। वडा सचिवको अभावमा स्वास्थ्य चौकीका इन्चार्ज र कार्यालय सहायकको भरमा सञ्चालन हुँदै आएको छ। वडाबाट हुने पञ्जिकरणको काम सम्बन्धित वडाका स्वास्थ्य चौकी इन्चार्जले गर्ने गरेका छन् भने अन्य कार्यालय सहायकले गरिरहेको थाहाखवरले लेखेको छ । सचिवको काम अन्यले गर्दा कागजात तथा व्यहोरा नमिल्ने गरेकाले सास्ती ब्यहोर्नु परेको सेवाग्राहीको गुनासो छ।