काठमाडौं ।

नेपाल प्रहरीका लागि निर्माण गरिने अत्याधुनिक प्रशिक्षण प्रतिष्ठान भवन भारत सरकारले वनाईदिने सम्झौताको चार वर्ष पूरा भएको छ । तर, पनि निर्माण सुरु भएको छैन । यो बीचमा भारतीय प्रधानमन्त्री नरेन्द्र मोदी तीन पटक नेपाल आईसकेका छन् । मोदीले २०७१ मंसिरमा प्रतिष्ठान बनाईदिने प्रतिवद्धता व्यक्त गरेका थिए।

यही बीचमा चीन सरकारले सशस्त्र प्रहरी बललाई प्रतिष्ठान भवन नाएर हस्तान्तरण गरिसकेको छ।

भारतीय प्रधानमन्त्री मोदीले प्रतिष्ठान बनाउने प्रतिवद्धता मात्रै व्यक्त गरेका थिएनन्, सिंहदरबारमा प्रधानमन्त्री कार्यालयबाहिर त्यसको शिलान्याससमेत गरेका थिए। मोदीले सार्क सिखर सम्मेलनका क्रममा नेपाल आउँदा प्रहरी एकेडेमीका लागि आठ अर्ब ७० करोड १३ लाख ८० हजार रुपैयाँ अनुदान दिने सम्झौता गरेका थिए। त्यसका लागि काभ्रेको पनौतिमा ४२।२ हेक्टर जग्गा अधिग्रहण गरी प्रहरीले आफ्नो स्वामित्वमा लिइसकेको छ।