काठमाडौं । प्रधानमन्त्री केपी शर्मा ओलीले आधिकारिक ट्रेड युनियनका पदाधिकारी सँग एकैपटक ठूलो संख्यामा कर्मचारीलाई स्वेच्छिक अवकाश नदिने संकेत दिएका छन् । उनले घर जान होइन देश बनाउने अभियानमा जुट्न पनि आग्रह गरे ।

लोकसेवा आयोगले त्यति ठूलो संख्यामा कर्मचारी पूर्ति गर्न धेरै समय लाग्ने हुनाले पनि ठूलो संख्यामा कर्मचारीलाई अवकाश दिँदा काममा समस्या हुने ओलीको तर्क छ ।

अर्थमन्त्री युवराज खतिवडा पनि सँगै रहेका ओलीले सरकारी ढुकुटीमा पनि समस्या हुने वताए ।

प्रधानमन्त्रीले सरकारलाई सफल बनाउन कर्मचारीहरुलाई आग्रह समेत गरेका छन् । उनले संघीय निजामति ऐन लगायतका सबै काममा आधिकारिक ट्रेड युनियनसँग सहकार्य गरिने आश्वासन समेत दिएका छन् । कर्मचारी नेताहरुले सामान्य प्रशासन मन्त्री लालबाबु पण्डितले कर्मचारीलाई अपमानजनक शब्द प्रयोग गरेकोमा असन्तुष्टि जनाएका थिए ।