काठमाडौं ।

सशस्त्र प्रहरी बलमा ८ डिआईजीको सरुवा भएको छ। सरुवा सूचीअनुसार मन्दिप श्रेष्ठलाई सुनसरीस्थित बराह बाहिनी, डिआईजी चिरन्जीवी अधिकारीलाई पोखरास्थित मुक्तिनाथ बाहिनी, नगेन्द्र थापालार्य दिपायलस्थित वैद्यनाथ बाहिनी र राजुराम सुवाललाई सुर्खेतस्थित महेश्वरी बाहिनीमा सरुवा गरिएको छ। चारै वटा बाहिनी इन्चार्जविहिन थिए।

त्यस्तै डिआईजी सुरज कुमार श्रेष्ठ आईजिपीको सचिवालय, बावुराम पाण्डे मद्दती सेवा निर्देशनालय, खड्ग राई महानगरीय सशस्त्र प्रहरीको कार्यालय र बसन्त कुमार बानियाको कार्य विभागमा सरुवा भएको छ।

सशस्त्रमा तीन महिनाअघि बढुवा भएका ५ एआईजीको अझै पदस्थापदन भएको छैन। प्रदेशमा पदस्थापनका लागि भन्दै दरबन्दी थपेर एआईजी बढुवा गरिएको थियो। बढुवा भएको तीन महिना बित्दा पनि एआईजीको पदस्थापन भने हुन सकेको छैन ।