काठमाडौं । नेपालमा थप १० जनामा कोरोना भाइरस संक्रमणको पुष्टि भएको छ । योसँगै संक्रमितको संख्या २९१ पुगेको हो ।

स्वास्थ्य मन्त्रालयका सहप्रवक्ता डा समिरकुमार अधिकारीका अनुसार राष्ट्रिय प्रयोगशाला काठमाडौँमा गरिएको परीक्षणका क्रममा रौतहटका १० जनामा कोरोना पुष्टि भएको हो ।

स्वास्थ्य तथा जनसंख्या मन्त्रालयले अध्यावधिक गरेको विवरण अनुसार नयाँ पुष्टि हुनेमा रौतहट राजपुर न.पा. फरहदवा-९ ठेगाना भएका १८, ३२, ३६, ३९, ३९, ४२, ४८ वर्षका पुरुषहरु रहेका छन् । त्यसैगरी रौतहटकै इशनाथ न.पा.-३ र ५ ठेगाना भएका २८, ३० र ३३ वर्षका पुरुषहरु रहेका छन् ।

हालसम्म प्राप्त विवरणअनुसार संक्रमितको स्वास्थ्य अवस्था सामान्य रहेको र उनीहरु स्वास्थ्यकर्मीको सम्पर्कमा रहेको मन्त्रालयले जनाएको छ ।