काठमाडौं : लामो समयको झापाको बसाईपछि काठमाडौं फर्किएका पूर्वराजा ज्ञानेन्द्र शाहलाई समर्थकहरुले त्रिभुवन बिमानस्थलमा स्वागत गरेका छन् ।

शुक्रबार काठमाडौं फर्किएपछि पूर्वराजा शाहलाई ठूलो संख्यामा उपस्थीत भएका समर्थकहरुले बिमानस्थल मुख्य गेट बाहिर स्वागत गरेका हुन् ।

राष्ट्र, राष्ट्रियता, धर्म, संस्कृति र नागरिक बचाउ अभियान र राजावादी संस्थाहरुले शाहलाई स्वागतका लागि बिमानस्थल पुग्न आह्वान समेत गरेको थियो ।

प्रशासनले विमानस्थल क्षेत्रमा निषेधाज्ञा जारी गरेपनि ठूलो संख्यामा राजसंस्था समर्थकहरु स्वागतका लागि पुगेका थिए । उनीहरुले राजसंस्था समर्थित नारा लगाएका थिए ।

पूर्वराजा शाह शुक्रबार हेलिकप्टरमार्फत झापाबाट काठमाडौं आएका थिए।