काठमाडौं : नेकपा एमाले निकट राष्ट्रिय युवा सङ्घ नेपालको अध्यक्षमा महाराज गुरुङ चयन भएका छन् । काठमाडौंमा आज भएको केन्द्रीय युवा परिषद्को प्रथम बैठकमा युवा सङ्घका अध्यक्ष क्षितिज थेबेले उपाध्यक्ष गुरुङलाई नेतृत्व हस्तान्तरण गरे ।

सङ्घको गएको जेठ १४ मा पोखरामा सम्पन्न दसौँ राष्ट्रिय महाधिवेशनबाट निर्वाचित थेबे आउँदो प्रतिनिधिसभा सदस्य चुनावमा ताप्लेजुङबाट एमालेका उम्मेदवार हुन्। अध्यक्षको जिम्मेवारी पाएलगत्तै गुरुङले पद तथा गोपनीयताको सपथ पनि लिएका हुन् ।