काठमाडौं : नेकपा एमालेका अध्यक्ष केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता भएको छ ।

देउवा निवास महाराजगञ्जमा आज दुई नेताबीच भेटवार्ता भएको हो । भेटमा ओली–पत्नी राधिका शाक्य र देउवा–पत्नी आरजु राणा पनि सहभागी थिए ।

गएको भदौ २३ र २४ गते भएको नवयुवा आन्दोलनपछि एमाले अध्यक्ष ओली र कांग्रेस सभापति देउवाबीच पहिलो पटक भेटवार्ता भएको हो । दुई नेताहरूबीच पछिल्लो राजनीतिक, समसामयिक विषयमा छलफल भएको छ ।