-
काठमाडौं : काठमाडौं उपत्यकामा बिहानको न्यूनतम तापक्रम ६ दशमलव ४ डिग्री सेल्सियस मापन भएको छ ।
बिहान पौने ६ बजेको मापनमा काठमाडौं उपत्यकाको न्यूनतम तापक्रम ६ दशमलव ४ डिग्री सेल्सियस मापन भएको जल तथा मौसम पूर्वानुमान महाशाखाले जनाएको छ ।
आज काठमाडौंको अधिकतम तापक्रम १९ देखि २१ डिग्री सेल्सियससम्म रहने अनुमान छ । काठमाडौं उपत्यकासहित देशभर चिसो बढ्दै गएको छ । देशभर अहिले कुनै उल्लेखनीय मौसमी प्रणालीको प्रभाव नभएको महाशाखाका मौसम हरिप्रसाद दाहालले जानकारी दिए ।
आज दिउँसो कोशी प्रदेशको पहाडी तथा हिमाली भागमा आंशिक बदलीको सम्भावना छ । अरु बाँकी भागमा मौसम मुख्यतया सफा नै रहने अनुमान छ ।
यसैबीच इथोयोपीयामा विस्फोट भएको ज्वालामुखी भारतसम्म आइपुगेको तर यसबाट नेपालमा अहिलेसम्म कुनै पनि प्रभाव नपरेको मौसमविद् दाहालले बताएका छन् ।
