काठमाडौं : आगामी असोज १ गतेदेखि सवारीसाधनमा इम्बोस्ड नम्बर प्लेट अनिवार्य जडान गर्ने निर्णयबाट सरकार पछि हटेको छ ।

यातायात व्यवस्था विभागले आज सूचना जारी गर्दै आफू अनुकूलको समयमा यातायात व्यवस्था कार्यालयमा गएर इम्बोस्ड नम्बर प्लेट जडान गर्न सकिने बताएको छ।

यसअघि विभागले आगामी असोज १ गतेदेखि इम्बोस्ड नम्बर प्लेट अनिवार्य रुपमा लागु गर्न प्रदेश मातहतका यातायात व्यवस्था कार्यालयहरुलाई निर्देशन दिएको थियो ।

यो निर्देशनपछि यातायात कार्यालयहरुमा इम्बोस्ड नम्बर प्लेटका लागि लामो लाइन लागेको थियो । साथै यो निर्णयको नागरिक स्तरमा तीव्र विरोध पनि भएको थियो ।