काठमाडौं : गोरखामा भीरबाट लडेर ज्यान गुमाएका एक व्यक्तिको शव निकाल्न जाँदा लडेर अर्का एक व्यक्तिको पनि मृत्यु भएको छ ।

गएको सोमवारदेखि हराइरहेका चुमनुव्री गाउँपालिका वडा नम्बर ६ का ४२ वर्षीय रिनजिन लामाको आज बिहान भीरमा शव भेटिएको थियो । शव निकाल्ने क्रममा ४१ वर्षीय छिसे दोर्जे पनि चिप्लिएर भीरबाट खस्दा घटनास्थलमै मृत्यु भएको जिल्ला प्रहरी कार्यालय गोरखाले जनाएको छ ।

शवको मुचुल्कालगायतका कानूनी प्रक्रिया पूरा गर्न जिल्ला प्रहरी कार्यालयबाट टोली खटाएको गोरखाका प्रहरी नायब उपरीक्षक (डीएसपी) इन्द्रप्रसाद सुवेदीले जानकारी दिए। रिनजिन लामा सोमवार बिजुलीको बिल तिरेर घर फर्किने क्रममा बेपत्ता भएका थिए ।