काठमाडौं : नेकपा एमालेले निष्कासित गरेपछि पूर्वउपाध्यक्ष भीम रावलले नयाँ दल खोल्ने भएका छन् । रावलले केही दिनमा नै पत्रकार सम्मेलन गरेर सो घोषणा गर्ने तयारी गरिरहेका छन् ।

सो पत्रकार सम्मेलनमा केपी ओलीले गरेको निर्णयबारे उनले मुख खोल्नेछन् भने त्यसपछि देशब्यापी अभियानमा उनले निस्कने योजना बनाएका छन् । देश दौडाहाको मुख्य उद्देश्य नै नयाँ पार्टी बनाउनु रहनेछ । यसबीचमा, रावल माधव नेपालको दलमा प्रवेश गर्ने पनि चर्चा सुनिएको छ । यद्धपी रावलले भने नयाँ दल निर्माण गर्ने योजना बनाएका हुन् ।

निरन्तर पार्टी विपरीत अभिव्यक्ति दिएको भन्दै एमालेले बुधबारको सचिवालय बैठकबाट रावललाई निस्कासन गरेको थियो । दशौं महाधिवेशनयता लगातार पार्टी निर्णयविपरीत गतिविधि गरेको रावलमाथि आरोप लगाइएको छ ।