काठमाडौं । अमेरिकाको भिसाको लागि आवेदन दिने आवेदकहरुले आफ्नो सामाजिक सञ्जालको विस्तृत विवरण पेश गर्नुपर्ने छ ।
उक्त नयाँ नियम अनुसार भिसाका लागि आवेदकहरुले सामाजिक सञ्जालको नामसँगै पाँच वर्षदेखि प्रयोग गरिरहेको इमेल ठेगाना र फोन नम्बरको विवरण बुझाउनुपर्ने व्यवस्था बनाएको उल्लेख गरेको छ ।
गत वर्ष त्यस्तो प्रस्ताव गरिएका बेला त्यसबाट वार्षिक रुपमा एक करोड ४७ लाख मानिस प्रभावित हुने आंकलन गरिएको थियो ।
यो नियम काम र अध्ययनका लागि अमेरिका जान चाहने व्यक्तिको हकमा मात्र लागू हुनेछ । केही कूटनीतिक र सरकारी अधिकारीले भने भिसा आवेदन दिँदा यस्तो जानकारी पेश गर्नु पर्ने छैन ।