काठमाडौं ।

न्यायपरिषदका अध्यक्ष तथा प्रधानन्यायाधीश चोलेन्द्र शमसेर राणाको जोडबलमा सर्वोच्चमै नियुक्ति भएका न्यायाधीशबिरुद्ध नेपाल बार एशोसियसनका पूर्व अध्यक्ष एवं वरिष्ठ अधिवक्ता शम्भु थापा सर्वोच्च अदालतकामा पुगेका छन् । न्यायाधीश मनोजकुमार शर्माविरुद्ध आफैं रिट लिएर थापा सर्वोच्च अदालत पुगेका हुन् । सर्वोच्चको न्यायाधीश हुन शर्माको योग्यता नपुग्ने थापाको जिकिर छ ।

बैशाख पहिलो साता सर्वोच्चमा शर्मासहित ५ न्यायाधीश नियुक्त भएका थिए। यो रिटमाथि सर्वोच्चले मंगलबार पहिलो सुनुवाइको पेसी तोकेको छ ।

शर्मालाई नियुक्ति सिफारिस गर्ने न्यायपरिषदलाई पनि थापाले विपक्षी बनाएका छन्। शर्माले सर्वोच्च अदालतको न्यायाधीश हुन योग्यता पुग्ने गरी निरन्तर वकालतरबहस नगरेको, तत्कालीन पुनरावेदन अदालतको अतिरिक्त न्यायाधीशको ५ वर्षे अनुभव पनि उनीसँग नभएको थापाको तर्क छ।

संविधानअनुसार सर्वोच्च अदालतको न्यायाधीश हुन १५ वर्ष निरन्तर वकालत गरेको हुनुपर्छ। उच्च (साविक पुनरावेदन ) अदालतको न्यायाधीश भएको कम्तीमा ५ वर्ष पुगेको हुनुपर्ने व्यवस्था छ।