काठमाण्डौँ ।

राष्ट्रिय पुनर्निर्माण प्राधिकरणले स्थलगत सर्वेक्षण गर्ने भएको छ । भूकम्पबाट प्रभावित ३२ वटै जिल्लामा निजी आवास अनुदान प्राप्त गर्ने लाभग्राहीमा नपर्नेहरूको गुनासो सम्बोधन गर्न स्थलगत सर्वेक्षण गर्न लागेको हो ।

भूकम्प प्रभावित नागरिकले राज्यबाट पाउने सुविधाबाट वञ्चित हुनु नपरोस् तथा दोहोरो सुविधा लिने अवस्था नरहोस् भनेर अन्तिमपटक स्थलगत सर्वेक्षण गर्न लागिएको हो ।

यसअघि प्राधिकरणले साउन–कात्तिक ०७४ मा अतिप्रभावित १४ जिल्लामा यस्तै प्रकारको सर्वेक्षण गरी छुटपुट भएका लाभग्राहीलाई सूचीकृत गरेको थियो । १८ जिल्लामा भने पहिलोपटक सर्वेक्षण हुन लागेको प्राधिकरणले जनाएको छ ।