काठमाडौं । नेपाली काँग्रसका पूर्व सभापति शुशिल कोईराला प्रधानमन्त्री र सोही दलका नेता नरहरि आचार्य कानुनमन्त्री भएका बेला अख्तियार दुरुपयोग अनुसन्धान आयोगका आयुक्तमा प्रवेश गरेका राजनारायण पाठकले काँग्रेस नेता गुहार्न थालेका छन् । तर, उनलाई नेपाली काँग्रेसका नेताहरुले पनि खास साथ दिएका छैनन् । बिवादास्पद छवि भएका अमरेशकुमार सिंह भने पाठकको पक्षमा भित्रभित्रै लबिङ गरिरहेका छन् ।

घुस लिएका आयुक्त राजनारायण पाठकविरुद्ध महाअभियोग लगाउने सहमति नेकपा भित्र भएको छ ।
पाठकले नेपाल इन्जिनियरिङ क्याम्पसका सञ्चालकबीचको मुद्दा मिलाइदिने भन्दै घूस रकम लिएको समाचार सार्वजनिक भएपछि नेकपाले उनीमाथि महाअभियोगको तयारी गरेको हो। नेकपाका नेताहरूले पाठकलाई राजीनामा दिन सुझाएका थिए । तर, उनले शुक्रवार मध्यान्हसम्म पनि राजीनामा दिएनन् । उल्टो बिभिन्न शक्ति केन्द्रमा पाठक पुगेका छन् ।

शुक्रबार बिहानसम्म उनको राजीनामा नआए उनीमाथि महाअभियोग दर्ता हुन सक्ने नेकपाका एक नेताले बताएका थिए । पाठकले भक्तपुरको चांगुनारणस्थित नेपाल इन्जिनियर कलेजका सञ्चालकबाट घूस लिइएको भिडियो रेकडसम्बन्धी समाचार सार्वजनिक भएको थियो। कलेज सञ्चालहरूबीच नै विवाद भएपछि उक्त घटना बाहिरिएको हो।