काठमाडौं।

नेपाल राष्ट्र बैंकबाट अनिवार्य अवकाशपछि बाहिरिएका रमण नेपाल नागरिक लगानी कोषको कार्यकारी निर्देशक बनेका छन् । योग्यता रक्षमताका आधारमा नेपाललाई चयन गरिएको स्रोतले जनाएको छ । नेपाल राष्ट्र बैंकको अनुभवले लगानी कोष फष्टाउन सजिलो हुने बिश्लेषण हुन थालेको छ । मन्त्रीपरिषद्को आइतबारको वैठकले आगामी पाँच बर्षका लागि नेपाललाई नियुक्त गरेको हो। अर्थशास्त्रमा स्नातकोत्तर नेपालले पोखरा विश्वविद्यालयबाट अङ्ग्रेजीमा एमफिल पनि गरेका छन्।

नेपाल गत चैतमा अवकाश भएका नेपाल राष्ट्र बैंकको सुपरिवेक्षण तथा नियमन विभागहरुमा लामो समय काम गरेका थिए । उनी निर्देशक पदबाट अवकाश भएका हुन ।

कोषको कार्यकारी निर्देशकका लागि नेपालसहित कपिलमणि ज्ञवाली र शेषरमण आचार्यको नाम पनि सिफारिस भएको थियो।