काठमाडौं । पछिल्लो २४ घण्टामा मुलुकभरबाट थप ८ सय ५५ जना कोरोना संक्रमित थपिएको स्वास्थ्य तथा जनसंख्या मन्त्रालयले बताएको छ । मन्त्रालयको नियमित कोभिड–१९ अपडेटमा प्रवक्ता डा. जागेश्वर गौतमले सो संख्याबारे पुष्टि गरेका हुन् । उनका अनुसार यी नयाँसँगै नेपालमा अब कोरोना संक्रमितको कुल संख्या ३३ हजार ५ सय ३३ पुगेको छ ।

प्रवक्ता गौतमका अनुसार यस अवधिमा थप ३ सय १३ जना कोरोनामुक्त भएर घर फर्किएका छन् । यीसँगै कुल डिस्चार्ज हुनेको संख्या १९ हजार १ सय १९ पुगेको छ ।

त्यसैगरी अहिले १४ हजार २ सय ५० जना कोरोनाका सक्रिय संक्रमित छन् । जसमध्ये ८ हजार ५ सय ८१ जनाको संस्थागत आइसोलेसनमा उपचार भइरहेको छ भने होम आइसेलेसनमा ५ हजार ६ सय ६९ जनाको उपचार भइराखेको छ । त्यस्तै क्वारेन्टाइनमा १० हजार ८ सय ५३ जना रहेका छन् ।

मन्त्रालयको तथ्यांक अनुसार पछिल्लो २४ घण्टामा थप ७ जनाको मृत्यु भएको छ । यसरी अहिलेसम्म मृत्यु हुनेको संख्या १६४ पुगेको छ । यस अवधिमा ११ हजार ३ सय २७ जनाको पिसिआर परीक्षण भएको छ ।