काठमाडौं । पछिल्लो २४ घण्टामा ३३८ जना कोरोना संक्रमित थपिएको स्वास्थ्य तथा जनसंख्या मन्त्रालयले बताएको छ । मन्त्रालयको नियमित कोभिड–१९ अपडेटमा प्रवक्ता डा. जागेश्वर गौतमले सो संख्याबारे पुष्टि गरेका हुन् । सो अवधिमा मुलुकभरका विभिन्न प्रयोगशालामा ८ हजार ४ सय ३२ वटा नमुनाको पीसीआर परीक्षण भएको थियो । यीसँग नेपालमा कोरोना संक्रमितको कुल संख्या २३ हजार ३१० पुगेको प्रवक्ता डा. गौतमले जानकारी दिएका हुन् ।

प्रवक्ता गौतमका अनुसार आज थपिने नयाँ संक्रमितमा काठामाडौं उपत्यकाका ४४ जना छन् । जसमध्ये काठमाडौंका ३६, ललितपुरका ४ र भक्तपुरका ४ जना छन् ।

त्यसैगरी सोही अवधिमा थप १ सय ४० जना डिस्चार्ज भएका छन् । यीसँगै हालसम्म निको हुनेहरुको संख्या १६ हजार ४ सय ९३ पुगेको मन्त्रालयले बताएको छ । त्यस्तै अहिले सक्रिय संक्रमितको संख्या ६ हजार ७३८ पुगेको मन्त्रालयको तथ्यांकमा उल्लेख गरिएको छ ।

मन्त्रालयका अनुसार नेपालभर ११ हजार ३८ जना क्वारेन्टिनमा रहेका छन् भने कोरोनाकै कारण हालसम्म ७९ जनाको मृत्यु भएको छ ।