काठमाडौं : सशस्त्र प्रहरी बल, नेपालको १३ औं महानिरिक्षक (आइजीपी) मा नारायणदत्त पौडेललाई नियुक्त भएका छन् ।

सरकारले अतिरिक्त महानिरिक्षक (एआइजी) पौडेललाई महानिरिक्षक (आइजीपी) मा बढुवा गर्ने निर्णय गरेको छ । सोमबार बसेको मन्त्रिपरिषद् बैठकले पौडेललाई आईजीपीमा बढुवा गर्ने निर्णय गरेको हो ।

सशस्त्र प्रहरी प्रधान कार्यालय हल्चोकस्थित मानव स्रोत विभागका प्रमुख रहेका पौडेलले १८ वैशाखपछि आईजीपीको कमाण्ड सम्हाल्ने छन् । हालका आईजीपी राजु अर्याल आईजीपीको चार वर्षे कार्यकाल पूरा गरी यही १८ वैशाखमा अवकाश जाँदैछन् ।