-
काठमाडौं : सरकारले शनिबार र आइतबार बिदा दिने निर्णय गरेको छ ।
आज बसेको मन्त्रिपरिषद् बैठकले यो निर्णय गरेको हो। सरकारका प्रवक्ता सस्मित पोखरेलले पेट्रालियम आपूर्तिमा उत्पन्न असहजताका कारण यो निर्णय गरिएको बताए ।
सातामा दुई दिन बिदा दिएपछि कार्यालय समय भने बिहान ९ देखि साँझ ५ बजेसम्म हुनेछ। हाल कार्यालय समय १०(५ रहँदै आएको छ।
यो निर्णय भोलि सोमबारदेखि लागु हुनेछ।
यसैगरी सरकारले आगामी शैक्षिक सत्र वैशाख १५ गतेबाट सुरु गर्ने निर्णय गरेको छ।
आजको मन्त्रिपरिषद् बैठकले डिजेल तथा पेट्रोल गाडीलाई विद्युतीय गाडीमा रूपान्तरण गर्न आवश्यक कानुनी व्यवस्था गर्ने निर्णय पनि गरेको छ ।
