काठमाडौं ।

प्रमुख जिल्ला अधिकारीहरुलाई अव दोहोरो भूमिका हुने भएको छ । संघको प्रतिनिधि भए पनि प्रदेश मातहत रहेर काम गर्नुपर्ने भएकाले उनीहरुलाई दोहोरो भूमिका भएको हो । गृहमन्त्री रामबहादुर थापाले नै सिडिओहरुले दोहोरो भूमिका खेल्नुपर्ने बताएका छन् ।

सिडिओलाई प्रदेशको आन्तरिक मामिलामन्त्री भन्दा पनि माथि राखिएको भन्दै कतिपयले विरोध गर्दै आएका छन् ।

राष्ट्रियसभाको बैठकमा जवाफ दिने क्रममा गृहमन्त्री थापाले प्रदेशको आन्तरिक मामिला (गृह)मन्त्रीभन्दा माथि सिडिओलाई नराखिएको जानकारी पनि दिए । मन्त्री थापाले सिडिओ केन्द्र सरकारको प्रतिनिधि भए पनि प्रदेश प्रहरी परिचालन गर्न आन्तरिक मामिला मन्त्रीको निर्देशनमा काम गर्नुपर्ने बताए ।