काठमाडौ ।

खुला सिमाकै कारण हुने चोरी तस्करी, लागुऔषध कारोबार तथा आपराधिक गतिविधिमा प्रहरीकै मिलोमतो भएको गुनासो बढेपछि प्रदेश २ प्रहरीले संगठनभित्रै सुधार अभियान थालेको छ । आन्तरिक अनुसन्धानका क्रममा एकजना प्रहरी नायब उपरीक्षक, सहित दुई सय ८० जना प्रहरी विभागीय कारबाहीमा परेका छन् । आचरण विपरीत काम गर्नेलाई नसिहत, निलम्बन, ग्रेड रोक्का, पदोन्नति रोक्कादेखि दर्जा घटुवाको सिफारिस गरिको छ । यस्तै राम्रो काम गरेका एक वरिष्ठ प्रहरी उपरीक्षक सहित २ सय ५९ जनालाई पुरस्कृत गरिएको छ ।
प्रहरी प्रधान कार्यालयबाट बिभिन्न सयममा सरुवा भएका तर पहुाचकै आधारमा कार्यक्षेत्र नपुगेका तथा जिम्मेवारी अनुसार काम नगरेका १२ सय ९५ जना प्रहरीलाई एक साता भित्र प्रदेश बाहिर र भित्रका ईकाईहरुमा पठाउने काम समेत प्रदेश प्रहरीले गरेको छ । जनगुनासोपछि सुधारमा प्रदेश प्रहरीले देखाएको सक्रियताले नागरिक समुदाय पनि सकारात्मक देखिएको छ ।