काठमाडौं ।

नेपाल वायु सेवा निगमलाई सुधार्न पूर्व सचिवको नेतृत्वमा ५ सदस्यीय कार्यदल बनाइएको छ। संस्कृति पर्यटन तथा नागरिक उड्ययन मन्त्रालयले धरासायी बनेको नेवानिको अवस्था उकास्न समिति बनाएको हो । एक महिना भित्र प्रतिवेदन दिने गरी ५ सदस्यीय कार्यदल बनाइएको मन्त्री योगेश भट्टराईले जानकारी दिए।

कार्यदलको संयोजकमा पूर्वसचिव सुशील घिमिरे रहेका छन्। त्यस्तै सदस्यहरुमा चार्टर्ड एकाउन्टेन्ट प्रमोद कर्ण, व्यवस्थापन विज्ञ डिमप्रकाश पौडेल, क्याप्टेन सुधीरसंशेर राई रहेका छन्। कार्यदलको सदस्य सचिवमा मन्त्रालयका सहसचिव बुद्धिसागर घिमिरेलाई तोकिएको छ। मन्त्री भट्टराईले यहीबीचमा नेवानिसँग आफूले बिजनेस प्लान मगाएको पनि जानकारी दिए। त्यस्तै मन्त्री भट्टराईले विमानस्थलमा सञ्चालन भइरहेका पुराना गाडी हटाउन पनि निर्देशन दिएको बताएका छन्।