-
काठमाडौं ।
सरकारी कर्मचारी निजीमा काम गर्न गए कार्वाहीमा पर्ने भएका छन् । उनीहरुलाई कार्यालय समयमा निजी काम गर्न कानुनी रुपमा बन्देज लगाइने भएको हो ।
संसदको राज्य व्यवस्था तथा सुशासन समितिले सरकारी कर्मचारीले कार्यालय समयमा निजी काम गर्न नपाउने कानुनी व्यवस्था नै गर्ने नर्णय गरेको छ ।
संघीय निजामती सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको विधेयकमाथिको छलफलमा सांसदहरुले सरकारी कर्मचारीले कार्यालयको काममा भन्दा निजी काममा बढी ब्यस्त हुने गरेको भन्दै त्यसलाई रोक्न माग गरेका थिए ।
जवाफमा संघीय मामिला तथा सामान्य प्रशासन मन्त्री लालबाबु पण्डितले ऐनमा सरकारी कर्मचारीले ‘अफिस समयमा निजी काम गर्न नपाउने’ भन्ने व्यवस्था गर्न आग्रह गरे ।
‘अफिस समयमा कामलाई कसरी व्यवस्थित गर्ने रु भन्ने मुख्य विषय हो’ मन्त्री पण्डितले भने, कार्यालय समयभित्र निजी कामको कुनै पनि गतिविधि गर्न नपाउने एउटा प्रावधान राखौं’, मन्त्री पण्डितले भने, ‘यदि कसैले अफिस समयमा निजी गतिविधि गरे त्यसलाई वृत्ति विकास, उसको कार्यसम्पादन, मुल्याङ्कनसँग जोड्ने भनौं ।’
