मुलुकका ७५३ स्थानीय तहहरूले अलग्गै न्याय सम्पादन गरे पनि ती सरकारको न्याय सम्पादन प्रभावकारी नभएको पाइएको छ। अदालतको तथ्याँकले हरेक वर्ष मुद्दाको चाप बढेको देखिंदा शंका गर्ने ठाउँ रहेको उच्च अदालत जनकपुरको अस्थायी इजलास वीरगन्जका मुख्य न्यायाधीश डिल्लीराज आचार्यले बताए। अदालतको चाप हरेक वर्ष बढिरहेको छ उनले भने।

मध्य तराईका पर्सा, बारा र रौतहटको मुद्दा हेर्ने उच्च अदालत जनकपुरको अस्थायी इजलास वीरगन्ज र पर्सा, बारा र रौतहट जिल्ला अदालतमा झगडीयाहरू आउने क्रम अझ बढेको पाइएपछि स्थानीय तहको न्याय सम्पादन प्रभावकारी नभएको बुझिएको हो। स्थानीय तहहरूमा भएको न्याय सम्पादन प्रति झगडीयाहरूलाई विश्वास नहुँदा अदालततर्फ मुद्दाको चाप भने बढ्ने क्रम रोकिएको छैन।