काठमाडौं । प्राध्यापक डिलाराम भट्टराई प्रदेश ५ लोक सेवा आयोगको अध्यक्षमा सिफारिश भएका छन्। मुख्यमन्त्री शंकर पोखरेल संयोजकत्वको तीन सदस्यीय समितिले शुक्रबार भट्टराईलाई अध्यक्षमा सिफारिश गर्ने निर्णय गरेको हो। प्रदेश लोक सेवा आयोग गठनका लागि मुख्यमन्त्री, सभामुख र प्रमुख प्रतिपक्ष दलको नेता रहेको सिफारिश समिति रहने प्रदेश लोक सेवा आयोग ऐनमा व्यवस्था छ। समितिको सिफारिशका आधारमा मन्त्रिपरिषद्को बैठकले निर्णय गर्नेछ।