काठमाडौं ।

बिमस्टेकको सुरक्षा बैठकमा नेपालको परराष्ट्र नीति विपरीत अभिव्यक्ति दिएका प्रहरी महानिरीक्षक सर्वेन्द्र खनाललाई गृहमन्त्री रामवहादुर थापाले बचाउ गरेका छन् ।
गृह मन्त्रालयमा आयोजित पत्रकार सम्मेलनमा आईजिपी खनालले बाहिर हल्ला भएअनुसार कुनै गल्ती नगरेको बताए । भारतीय प्रधानमन्त्रीका सल्लाहकारले भारतमा भएको एक आक्रममा पाकिस्तानको हात रहेको भनेर बोलेको विषयमा प्रतिवेदनमा राख्न खोजिएको र त्यसमा आफूहरुको असहमति रहेको प्रष्ट पारे । तर, सो विषयालाई आईजिपी खनालसँग जोडेर उछाल्न खोजिएको भन्दै उनले खण्डन गरेका हुन् । पत्रकार सम्मेलनमा आईजिपी खनाल समेत उपस्थित थिए ।
गत चैतमा थाइल्याण्डमा भएको बिमस्टेकको सुरक्षा बैठकमा महानिरीक्षक खनाल गएका थिए । जहाँ उनले भारतीय प्रधानमन्त्रीका सल्लाहकार अजित डोभलले पास्कितानमाथि लगाएको आरोपलाई खनालले समर्थन गरेको समाचार आएको थियो ।