काठमाडौं ।
नेपाल कम्युनिष्ट पार्टी (नेकपा)का नेता तथा सांसद जनार्दन शर्माले संघीय संसदको राज्य व्यवस्था तथा सुशासन समितिको बैठकमा ‘संघीय निजामति सेवाको गठन, सञ्चालन र सेवाको सर्त सम्बन्धमा व्यवस्था गर्न बनेको विधेयक’माथिको छलफलमा भाग लिँदै मुख्य सचिव करारमा नियुक्त गर्नुपर्ने आफ्नो अडान फेरि राखे ।

ज्येष्ठ सचिवलाई मुख्य सचिव नियुक्त गर्ने सरकारको प्रस्तावमा उनले आपत्ति जनाए । नेता शर्माले योग्यतम् सचिवलाई मुख्य सचिव बनाउन सरकारलाई सचेत गराए।

ज्येष्ठ सचिवलाई नै मुख्य सचिव बनाउन बाध्य पार्ने कानुनी व्यवस्था आफूलाई मान्य नहुने पनि स्पष्ट पारे। नेता शर्माले ज्येष्ठ सचिव सक्षम नहुन पनि सक्ने उल्लेख गर्दै उसैलाई मुख्य सचिव बनाउने कानुनी प्रावधान स्वीकार गर्न नसकिने बताए।