काठमाडौं ।

संघीय निजामती सेवाको गठन, सञ्चालन र सेवाको सर्त सम्बन्धमा व्यवस्था गर्न बनेको विधेयकमा पनि बिवाद देखिएको छ । राज्य व्यवस्था समितिमा छलफलको क्रममा रहेको बिधेयकमा सहमति गरेको भनिएका विषयहरू पनि पुन छलफलका क्रममा आउने खतरा देखिएको हो । सचिव भएपछि अवधिको ५० प्रतिशत काम हेरेपछि थप कामगर्ने जिम्मेवारी दिनुपर्ने व्यवस्था राख्ने विषय पनि समितिमा उठेको छ । संघीय निजामती सेवा विधेयकमाथि छलफल संरचनामा नै विवाद देखिएकोे समिति सदस्य झपटबहादुर रावलले बताए । समितिमा भएका हालसम्मका सहमति विधेयकमाथि पूर्ण सहमति हुँदा हेरफेर हुनसक्ने अवस्था आउने उनको भनाई छ । कतिपय सहमति भएका विषयमा पनि पुन छलफलको जरुरी देखिएको केही सदस्यहरुको भनाई छ ।

सहसचिवमा ५० प्रतिशत खुलाबाट आउनुपर्ने विषय समितिमा उठेको छ भने कुनै पनि कर्मचारीले दुई ठाउँमा मात्र प्रतिस्पर्धा गर्न पाउने व्यवस्था गर्नुपर्ने आवाज समितिमा उठेको छ ।