लोकसेवा बिधेयका बिषयमा पूर्वमन्त्री र बर्तमान सचिवबीच बाझाबाझ भएको छ ।

संघीय मामिला तथा सामान्य प्रशासन सचिव यादव कोइरालाले सांसदहरुले गतल बुझेको भनेपछि राज्यव्यवस्था समितिको बैठकमा केही बाझाबाझ भयो ।

संघीय संसद प्रतिनिधिसभा अन्र्तगतको राज्य व्यवस्था तथा सुशासन समितिको बैठकमा मन्त्री लालबाबु पण्डितले भनेका कुरालाई समितिका सदस्यहरुले गलत बुझेको भन्दै स्पष्ट पार्ने कोशिस गरेपछि समिति सदस्य पूर्वगृहमन्त्री जनार्दन शर्माले प्रतिकार गरे ।
बैठकमा सभापति शशि श्रेष्ठलेरुलिङ नै गर्नु परेको थियो । सचिव कोईरालाले बढी जान्ने पारा देखाएको सांसदहरुको भनाई छ । ५ नम्बर बुँदाको विश्लेषण रोकि ६ नम्बर बुँदामा प्रवेश गर्न सचिवलाई सभापति श्रेष्ठले ध्यानाकर्षण गराउनु परेको थियो ।

संघीय निजामती सेवाको गठन, सञ्चालन र सेवाको शर्त सम्बन्धमा व्यवस्था गर्न बनेको विधेयकको बुँदा नम्बर ५को श्रेणी र तहगत व्यवस्थामाथि मन्त्रीले भनेको भनाईलाई समिति सदस्यहरुले गलत बुझेको भन्दै त्यसबारे थप प्रष्ट पार्ने प्रयास गरेपछि सचिव र समिति सदस्यबीच भनाभन भएको हो। समितिको बैठकमा ५ नम्बर बुँदामा विवाद भएपछि त्यसलाई छोडेर ६ नम्बर बुँदाको छलफल अगाडि बढाईसकेको बेला सचिवले ५ नम्बर बुँदामा प्रवेश गर्दै समिति सदस्यहरुले मन्त्रीको कुरालाई गलत बुझेको अभिव्यक्ति दिएका थिए।
ब्यवस्थापिका सदस्यलाई अपमान गर्ने तवरले सचिव आएपछि सांसदहरु आगो वनेका थिए ।