-
काठमाडौं ।
लोक सेवाको विज्ञापनका विषयमा निक्कै रोष प्रकट हुन थालेको छ । संसदीय समितिका एक सभापतिलेनै समितिको निर्देशन नमान्ने पण्डितको अभिव्यक्तिप्रति रोष प्रकट गरेपछि यो बिषय अझै गरम बनेको हो ।
प्रतिनिधि सभाको बैठकमा बोल्दै संसदीय समितिका सभापति तथा राजपा नेता लक्ष्मणलाल कर्णले राज्य व्यवस्था तथा सुशासनज समितिको निर्देशनलाई सरकारले कार्यान्वयन गर्नुपर्ने धारणा राखे। उनले भने, ‘संसदको निर्देशन मन्त्री मान्दिनँ भन्नुभएको छ । यो गलत कुरा हो ।’
संविधानको प्रस्तावनामा र धारा ४२ मा स्पष्ट समानुपातिक समावेशी राज्यको परिकल्पना गरिएको बताए ।
लोक सेवा आयोगका अध्यक्ष उमेश प्रसाद मैनालीले पनि समितिको निर्देशन नमान्ने बताएको उल्लेख गरे ।
यो मुलुक समावेशी समानुपातिक हुन्छ भन्ने संविधानको प्रस्तावनामा छ । यसैगरी धारा ४२ मा सवै अंग समावेशी समानुपातिक हुने भनिएको छ। यो व्यवस्थालाई अपहरण गर्न नपाईने उनको धारणा थियो ।
