काठमाडौं ।

न्यायालय गरिव र निमुखाको सहारा बन्नु पर्नेमा नेपालका न्यायमूर्ति धेरै बिवादमा आउन थालेका छन् । त्यसोत केही न्यायाधीश अकुत सम्पति आर्जनमा भ्रष्टाचारमा नै मुद्धा खेप्न थालेका छन् । यसले पनि न्यायालय स्वच्छ छैन भन्ने पुष्टि गरेको छ । तत्कालीन तनहुँ जिल्ला अदालतका न्यायाधीश ओमकार उपाध्यायमाथि आइतबार विषेश अदालतमा भ्रष्टाचार मुद्दा दर्ता भएको छ । नेपालको इतिहासमा विशेष अदालतमा न्यायाधीशविरुद्ध भ्रष्टाचार मुद्दा दायर भएको यो पहिलोपटक हो ।

उपाध्यायको शैक्षिक प्रमाणपत्र नक्कली रहेको र न्यायसम्पादनमा कैफियत देखिएको भन्दै न्यायपरिषदले मुद्दा दर्ता गरेको हो।

उजुरीमाथि छानबिन चलिरहेकै बेला न्यायाधीश उपाध्यायले २ जेठमा राजीनामा दिएका थिए ।

नक्कली शैक्षिक प्रमाणपत्रसँगै भारतीय नागरिकले वंशजका आधारमा नागरिकता लिएको मुद्दामा कम सजाय दिएकोबारे पनि उनीमाथि उजुरी परेको थियो ।