काठमाडौं ।

मन्त्री पदमा अर्यालले मालपोत र नापीका कर्मचारीलाई गाली गर्नु र सुधारका लागि परिपत्र गर्नु बेकार भएको बताएकी छिन् । कर्मचारीलाई गाली गर्नु भन्दा पद्धति परिवर्तन गर्न उचित हुने उनले अनुभव सुनाईन् । त्यसका लागि आफूहरू अनलाइन प्रणालीबाटै ती कार्यालयबाट हुने सेवा प्रवाहमा सुशासन कायम गर्न सकिने निष्कर्षमा पुगेको उनको भनाई छ । उनले अनलाइन प्रणाली लागू गरिएका ६ वटा मालपोत कार्यालयको कार्य सम्पादनले सफलता पनि मिलेको उनको बुझाइ छ। ‘अब हामीले विकास गर्न खोजेको भनेको पेपरलेस प्रविधि नै हो । तेस्रो पक्षको सेवा लिन नपर्ने गरी कर्मचारी र सेवाग्राहीको आमनसामने भेटघाटले मात्रै काम सम्पन्न हुने प्रणालीको विकास नगर्दासम्म सुशासनमाथि प्रश्न उठिरहने उनको भनाई छ ।
मन्त्री अर्यालले अनलाइन प्रणाली लागू गर्नुभन्दा ६ महिना पहिले र लागू भएपछि उठेको ६ महिनाको राजस्वमा डेढ अर्ब रूपैयाँ अन्तर भएको भन्दै मालपोत कार्यालयमा राजस्व चुहावट हुने गरेको पाइएको बताएकी छिन् । अब राजस्व चुहावटदेखि भ्रष्टाचारका गतिविधिको अन्त्य अनलाइन प्रणालीले मात्रै गर्ने उनको दाबी थियो। तर, यसमा पनि प्राविधिक समस्या देखिएको बताइन् ।