काठमाडौं ।

संघीय मामिला तथा सामान्य प्रशासनमन्त्री लालबाबु पण्डितले ट्रेड युनियनमा आवद्ध हुने कर्मचारीहरुले डयूटी नगरे पनि हुने मान्यता सरकारलाई स्विकार्य नहुने बताएका छन् । ट्रेड युनियनमा आवद्ध पदाधिकारीहरुको मर्यादाक्रम विशिष्ट श्रेणीको कर्मचारी सरह हुनुपर्ने माग जायज नभएको पनि उनले बताए। कर्मचारीहरुलाई बन्दहडताल गर्न पूर्ण रुपमा प्रतिबन्द गराउने उनको योजना सुनाए ।

हडताल गर्ने कर्मचारीलाई गल्तीको आधारमा कडा दण्ड सजायको व्यवस्था हुने खुलासा गरे । संघीय संसदको राज्य व्यवस्था तथा सुशासन समितिको बैठकमा बोल्दै उनले इमान्दार भएर जनताको सेवा नगर्ने कर्मचारीलाई राज्यले दण्डित गर्ने पनि बताए।