काठमाडौं ।

गर्मीमा अस्पताल तथा स्वास्थ्यचौकीमा झाडापखाला ज्वराको बिरामी बढ्ने भएको कारण स्वास्थ्य सेवा विभागले स्वास्थ्यकर्मीलाई बिदामा नबस्न निर्देशन दिएको छ ।

विभागले जाजरकोटका स्वास्थ्यकर्मीलाई काज वा बिदामा नबस्न परिपत्र गरिसकेको छ । अन्य जिल्लामा पनि आवश्यकता अनुसार त्यस्तो परिपत्र पठाउने विभागको योजना छ । जाजरकोटमा झाडापखाला र स्वाइनफ्लु लगायतका रोगबाट २ सय ५० भन्दा बढीको मृत्यु भइसकेको छ ।

रोगको महामारी फैलनसक्ने भएकाले स्वास्थ्यकर्मी काज र बिदामा तत्कालको लागि रोकिएको प्रमुख जिल्ला अधिकारी ललितकुमार बस्नेतले बताए ।

जाजरकोटको दुर्गम गाउँमा झाडापखालाका कारण ५० हजार भन्दा बढी प्रभावित भएका छन् ।