काठमाडौं ।

प्रहरी प्रतिष्ठानका लेखापाललाई तर्साएर आउने जति प्रत्येक शीर्षकको रकममा आफ्नो भाग खोज्ने क्रममा एआईजी धीरु दोषी भेटिएपछि डिआईजीको दरवन्दी भएको ठाउँमा पुगे ।

आफूले पनि होइन, पत्नीलाई अगाडि सारेर लेखापाल सुगन्ध श्रेष्ठलाई तर्साउने गरेको उजुरी आइजिपी सचिवालयमा परेको थियो । पहिला लेखापाल आफू एआइजीबाट पीडित भएको भन्दै हेडक्वार्टर पुगेका थिए । तर, आफूविरुद्ध उजुर गर्ने लेखापाललाई पनि धीरुले किन बाँकी राख्थे ! उनले पनि लेखापालका एक–दुईवटा बद्मासी सुनाए । त्यसपछि त्यहाँबाट दुबैजना तानिएका छन् ।
त्यस्तै, उजुरी किनारा नलाग्दै बढुवामा परेका ५२ इन्स्पेक्टरले आइतबार फुली लगाएका छन् । बढुवा ५४ जना भएका थिए, दुई जना फुली लगाउन गएनन् । अरु बेला फुली लगाउने कार्यक्रमबारे सूचना प्रकाशित गरेर बोलाइन्थ्यो । तर, यसचोटि बिनासूचना नै बोलाइयो । सँगै पदस्थापनको सूची पनि प्रकाशित गरिएको छ । उजुरी सुन्ने समितिमा दुईजनाको उजुरी परेको थियो ।