समायोजन भएका कर्मचारीलाई असारमसान्तसम्म पदस्थापना
कानूनीरुपमा समायोजन सकिएको २१ दिनभित्र पदस्थापना गर्ने व्यवस्था रहेको छ । अहिले विकास निर्माणको काम भइरहेको छ। त्यसैले कामलाई बाधा नपुग्ने गरी असार मसान्तभित्रमा पदस्थापना गर्ने योजना बनाएको मन्त्री पण्डितको भनाई छ ।
-
काठमाडौं ।
सङ्घीय मामिला तथा सामान्य प्रशासन मन्त्रालयले समायोजन भएका कर्मचारीलाई असारमसान्तसम्म पदस्थापना गरि सक्ने योजना बनाएको छ । अपुग कर्मचारी पनि यही आर्थिक वर्षमा पूरा गर्ने उद्देश्यका साथ दु्रतमार्गबाट भर्ना गर्न आयोगलाई मन्त्रालयले निर्देशन दिएको छ । नयाँ कर्मचारीको पदस्थापना पहिलो प्राथमिकता स्थानीय तह र प्रदेशमा पार्ने योजना मन्त्रालयको छ ।
पत्रकारसँग कुराकानी गर्दै यस मन्त्रालयका मन्त्री लालबाबु पण्डितले समायोजन रोजेका कर्मचारीको पदस्थापना गर्ने कार्य भइरहेको भन्दै असारसम्म सबै कर्मचारीको पदस्थापना गरिने जानकारी दिए।
कानूनीरुपमा समायोजन सकिएको २१ दिनभित्र पदस्थापना गर्ने व्यवस्था रहेको छ । अहिले विकास निर्माणको काम भइरहेको छ। त्यसैले कामलाई बाधा नपुग्ने गरी असार मसान्तभित्रमा पदस्थापना गर्ने योजना बनाएको मन्त्री पण्डितको भनाई छ ।
समायोजन सकिएकाले नयाँ कर्मचारी भर्नाको प्रक्रिया शुरु गर्न लोकसेवा आयोगलाई निर्देशनसमेत दिइसकेको मन्त्रीले जानकारी दिए ।
अपुग कर्मचारीको भर्ना गरी अब मुलुकमा मानवीय स्रोत साधनको कमी हुन नदिने योजना मन्त्रालयको छ ।
