काठमाडौं ।

संघीयतामा रूपान्तरित बिश्वका अन्य देशको तुलनामा नेपालको कर्मचारी समायोजनको काम निक्कै ठूलो उपलब्धि भएको प्रधानमन्त्री केपी ओलीले बताएका छन् । आफ्नो एक बर्षे कार्यकालको समीक्षा गर्दै ओलीले कर्मचारी समायोजनको कामलाई ठूलो उपलब्धिको रुपमा प्रस्तुत गरे ।
प्रधानमन्त्रीको सम्वोधनका अनुसार संघ, प्रदेश र स्थानीय तहमा आवश्यक जनशक्ति व्यवस्थापन गर्न सकिएको छ । संघमा कूल ४७
हजार ९ सय २०, प्रदेशमा कूल २२ हजार ६ सय ८५ र स्थानीय तहमा ६६ हजार ७ सय ६६ गरी कूल १ लाख ३७ हजार ३ सय ७१ जना कर्मचारी दरबन्दी कायम भएको प्रधानमन्त्रीले जानकारी गराए । जटिल मानिएको कर्मचारी समायोजनको अधिकांश कार्य एक वर्षभित्रै सम्पन्न भएको उनले बताएका छन् । सघीयतामा रूपान्तरित भएका अन्य राष्ट्रहरूको अनुभव हेर्दा यो उपलव्धि
निकै उत्साहजनक भएको उनले बताए ।