अख्तियार दुरुपयोग अनुसन्धान आयोग बर्दिबासबाट गएको टोलीलाई स्थानीयले आक्रमण गरेका छन् । औरही प्रहरी चौकी इन्चार्ज रामनरेश साह तेलीलाई पक्रन गएको टोलीलाई स्थानीयले लखेटेका हुन् ।

बर्दिबासस्थित कार्यालयबाट डिएसपी प्रेम सागर केसीको नेतृत्वमा खटिगएको टोलीले असई साहसहित स्थानीय फर्निचर सञ्चालक दिनेश साहलाई समेत नियन्त्रणमा लिन खोजेको थियो। असईका साथै फर्निचर व्यवसायी साहलाई फसाउन खोजेको भन्दै अख्तियारको टोलीमाथि स्थानीय खनिएका थिए। आक्रोशित स्थानीयको अख्तियारको टोलीसँग घम्साघम्सी समेत भएको थियो। स्थिति तनावपूर्ण बनेको मौका छोपी असई साह भने भागेका थिए ।

फरार असई साहको खोजी भइरहेको डीएसपी खड्काले बताए। असई साहले एक जना काठ व्यावसायीसँग १० हजार घुस लिइरहेको जानकारी आएपछि आयोगको बर्दिबासबाट टोली औरही पुगेको नागरिकले लेखेको छ ।