• नयाँ प्रधानन्यायधीश न्याय क्षेत्रको सुधारमा लागेको बताईरहँदा एक मुख्य न्यायाधीशलाई कार्वाहीको माग उनकै कर्मचारीले प्रधानन्यायाधीश गुहारेका छन् ।

    उच्च अदालत तुलसीपुर अन्तर्गत नेपालगन्ज इजलासमा कार्यरत रहेका तीन कर्मचारीले मुख्य न्यायाधीश विष्णुदेव पौडेलविरुद्ध सर्वोच्चमा उजुरी गरेका हुन् ।उजुरीकर्ताले न्यायाधीश पौडेल कार्यरत रहेसम्म उच्च अदालतको हित नहुने दाबी गरेका छन् ।

    मुख्य न्यायाधीश पौडेलमाथि गम्भीर आरोप लगाउँदै उच्च अदालतमै कार्यरत तीन शाखा अधिकृतले सर्वोच्चका मुख्य रजिष्ट्रार मार्फत प्रधानन्यायाधीश समक्ष उजुरी गरेका हुन्।

    यसरी उजुरी गर्नेमा शाखा अधिकृतहरु वीरेन्द्रप्रकाश खड्का, भुपेन्द्र उपाध्याय र पुष्पराज जोशी छन् ।

    उनीहरुले मुख्य न्यायाधीश पौडेलको व्यहारका कारण जागिर खान समस्या भएको बताए ।