काठमाडौं ।

‘कर्मचारी समायोजन अध्यादेश–२०७५’ अनुसार विशिष्ट श्रेणीका ती सचिवको संघमा समायोजन गरिएको छ । ज्येष्ठताका आधारमा सचिवहरुलाई मुख्यसचिव लोकदर्शन रेग्मीले समायोजनको पत्र दिएका छन् । संघीय संरचना कार्यान्वयनका सिलसिलामा प्रथम श्रेणी तथा सो भन्दा माथिका कर्मचारीलाई संघीय सरकार अन्तरगत र राजपत्राङ्कित दोश्रो र सो भन्दा तलका कर्मचारीलाई प्रदेश सरकार मातहत रहने प्रबन्ध छ । केही दिन अघि प्रधानमन्त्री तथा मन्त्रिपरिषद् कार्यालयलाई समायोजन रोजेका सचिवको पत्र स्वीकृतिका लागि पठाएको थियो । मन्त्रालयले पठाएको आधारमा मन्त्रिपरिषद्ले ती सचिवको समायोजन पत्र स्वीकृत गरी समायोजन गरेको हो । यसैगरी मन्त्रालयले तीनै तहमा सहसचिवको समायोजनका लागि पत्र तयार पारेको छ । उनका अनुसार समायोजन रोजेका करीब ६ सय भन्दाबढीको संख्यामा रहेका सहसचिवको समायोजन स्वीकृत गर्न मन्त्रिपरिषद् कार्यालयमा पत्र पठाउन लागिएको छ । कर्मचारीले गत पुस ११ देखि माघ २ गतेसम्म तीनै तहमा समायोजन रोज्न अनलाइन फाराम भरेका थिए । सरकारले संघमा ४७ हजार ९२०, प्रदेशमा २२ हजार ७५५ र स्थानीय तहमा ६७ हजार ५०३ कर्मचारी समायोजन गर्दैछ ।