काठमाडौं ।

नयाँ प्रधानन्यायाधीश नियुक्त भएसँगै न्याय क्षेत्रमा ब्यापक सरुवा बढुवा भएको छ । केही दिन अघि मात्र सुन काण्डमा फैसला गर्ने न्यायाधीशलाई कार्वाही गरिएको थियो । अहिले सर्वोच्च अदालतले नयाँ मुख्य रजिष्ट्रार पाएको छ । न्याय परिषदका सचिव नृपध्वज निरौलालाई बढुवा गरी सर्वोच्च अदालतको मुख्य रजिष्ट्रारमा पदस्थापन गरिएको हो ।

मुख्य रजिष्ट्रार राजन भट्टराई उच्च अदालतको न्यायाधीश नियुक्त भएपछि रिक्त रहेको स्थानमा न्याय सेवा आयोगको बैठकले निरौलाको बढुवा गरेको हो ।

यिनै निरौलाले लेखेको एउटा पत्रको भरमा
तत्कालीन प्रधानन्यायाधीश गोपाल पराजुलीको अवकाश भएको थियो । न्याय परिषद सचिवको पत्रले परिषदका अध्यक्षसमेत रहने प्रधानन्यायाधीशको जागिर गएको नेपालको न्यायिक इतिहासमै पहिलो घटना थियो ।

यसैवीच प्रधानन्यायाधीश चोलेन्द्र शमसेर जबराको अध्यक्षतामा बसेको न्याय सेवा आयोगको बैठकले न्याय परिषद सचिवका देवेन्द्र ढकाललाई बढुवा गरेको छ । उनी श्रम अदालतमा कार्यरत थिए ।

त्यसैगरी नवनियुक्त उच्च अदालतका न्यायाधीश भट्टराई र न्यायिक प्रतिष्ठानका कार्यकारी निर्देशक तपबहादुर मगरले बुधबारै पद तथा गोपनियताको सपथ ग्रहण गरेका छन् ।

तस्वीर,नेपाललाईभ