काठमाडौं ।

प्रधानमन्त्री केपी शर्मा ओलीले सचिवहरुवाट मन्त्रालयको वारेमा जानकारी लिने कार्यक्रम तय भएको छ । सरकारका काम प्रभावकारी नभएको भन्दै आलोचना बढिरहेका बेला प्रधानमन्त्री ओलीले मन्त्रालयसँग समिक्षा थालेका हुन् । असार अन्त्यमा मन्त्रालयले पेस गरेका कार्ययोजनाका आधारमा प्रधानमन्त्रीले बुधवारदेखि तीन दिनसम्म सचिवहरुसँग छलफल गर्न लागेका हुन् । सचिवले मन्त्रालयले प्रत्येक महिना आफूले गर्ने कार्ययोजनाका बारेमा प्रधानमन्त्रीलाई जानकारी दिने प्रधानमन्त्री कार्यालयका प्रबक्ता विनोद कुवँरले वताए ।
प्रधानमन्त्री कार्याललयले चारमहिने अवधिको कार्यप्रगति र गरेका प्रतिवद्धता भरेपछि विवरण निस्कने सफ्टवेयरको व्यवस्था गरेको छ । त्यसैका आधारमा मन्त्रालयको कार्यप्रगति मूल्याङ्कन गरिने भएको छ । तीन दिनसम्म चल्ने समिक्षाबाट काम गर्ने क्रममा भएका समस्या र थप कार्ययोजनाका बिषयमा छलफल हुने छ ।