काठमाडौं । बिगत झै यस पटक पनि सर्वोत्कृष्ट कर्मचारी भेटिएन । बिहिवार बेलुकी बसेको वसेको मन्त्रीपरिषद बैठकमा यस वारे छलफल भएपनि सर्वोत्कृष्ट काम गर्ने कर्मचारी भने पाईएन ।

सरकारले हरेक वर्ष भदौ २२ गतेलाई निजामती सेवा दिवसका रुपमा मनाउने गरेको छ । र, दिवसका अवसरमा एक जना सर्वोत्कृष्ट कर्मचारीसहित ४२ जनालाई पुरस्कृत गर्दै आएको छ । मन्त्रिपरिषद बैठकले यस वर्ष १० जनालाई उत्कृष्ट निजामती पुरस्कार र ३० जनालाई निजामती सेवा पुरस्कार दिने निर्णय गरेको छ । तर २ लाख रुपैयाँ राशीको सर्वोत्कृष्ट निजामती सेवा पुरस्कारको लागि भने कुनै पनि कर्मचारी छनोट् भएनन् ।

सर्वोत्कृष्ट निजामती सेवा पुरस्कारको राशी नगद दुई लाख छ । १० जनालाई दिइने उत्कृष्ट निजामती सेवा पुरस्कारको राशी एक लाख र ३० जनालाई दिइने निजामती सेवा पुरस्कारको राशी ५० हजार रुपैयाँ छ ।

‘नतिजामुखी प्रशासन, समृद्धि र सुशासन’ भन्ने नारासहित यो वर्ष निजामती सेवा दिवस मनाइँदै छ ।