उरुग्वे विश्वकप फुटबल प्रतियोगिताको अन्तिम १६ मा स्थान पक्का गरेको छ । साउदी अरेबियालाई पराजित गर्दै उसले यो स्थान हासिल गरेको हो ।

पहिलो खेलमा इजिप्टलाई हराएको उरुग्वेले दोस्रो खेलमा साउदी अरेबियालाई पन्छाउँदै ६ जोडेर नकआउट चरणमा पुगेको हो ।

समुह ए बाट उरुग्वेसंगै आयोजक राष्ट्र रुस पनि अन्तिम १६ मा पुगेको छ । दुबै देशको समान ६ अंक छ । रुसले पहिलो खेलमा साउदीलाई हरायो भने दोस्रो खेलमा इजिप्टलाई पराजित गरेको थियो ।

समुह ए मा रहेका इजिप्ट र साउदी अरेबिया दुबै समुहचरणबाटै बाहिरीएका छन् ।

यद्यपी समूह चरणको अन्तिम खेल भने चारै राष्ट्रले खेल्न बाँकी छ । उरुग्वे र आयोजक रसियाबीचको अन्तिम खेलले समूह ए को विजेता र उपविजेताको टुंगो लाग्ने छ ।

दोस्रो खेलमा साउदीलाई उरुग्वेले १–० गोल पराजित गरेको हो । खेलको २३ औं मिनेटमा लुइस स्वारेजले गरेको गोल नै निर्णयक बन्यो ।