काठमाडौ ।

नेपाल टेलिकमकी प्रबन्ध निर्देशक कामिनी राजभण्डारीको काम सन्तुष्ट नभएको भन्दै स्पष्टिकरण सोधिएको छ । मन्त्रिपरिषद् बैठकबाट औपचारिक निर्णय गराएर प्रधानमन्त्री ओलीले प्रबन्ध निर्देशक राजभण्डारीलाई सात दिने स्पष्टीकरण सोधेका छन्। केही दिन अघि प्रधानमन्त्री केपी ओलीले राजभण्डारीलाई बोलाएर ‘सन्तोषजनक’ काम नगरेको भन्दै नसुध्रिए कारबाही गर्ने चेतावनी दिएका थिए।

प्रधानमन्त्री ओलीले ‘फोरजी सेवा’ बिस्तारका विषयलाई लिएर स्पष्टीकरण सोधेका हुन्। स्रोतहरूका अनुसार, फोरजी विस्तारमा अनावश्यक ढिलाइ गरेको तथा अन्य नगरी नहुने काम पनि अड्को थापेर अगाडि नबढाएको आरोप राजभण्डारीमाथि लगाइएको छ।